आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
आश तमु , पोखरा- पोखरामा दराजमा लुकाएर राखेको अवस्थामा बच्चा मृत भेटिएको छ । पोखरा १ स्थित अधिकारी टोलमा बस्दै आएका सिन्धुपाल्चोककी २३ वर्षीया अस्मिता घले पक्राउ परेकी हुन । अवैध सम्बन्धबाट जन्मेको बच्चालाई दराजमा लुकाएर राखेको आरोपमा उनी पक्राउ परेकी छन् । दराजमा लुगामा गुटुमुटाएर लुकाएको बच्चा भने मृत भेटिएको थियो ।
शिशुको शव पोष्टमार्टमका लागि पोखरा स्वास्थ्य विज्ञान प्रतिष्ठान पोखरामा रहेको छ । उनी ७ महिना अघिदेखि पोखरामा बस्दै आएको कास्की प्रहरी प्रवक्ता डिएसपी सुवास हमालले जानकारी दिए ।शिशुको शव पोष्टमार्टमका लागि पोखरा स्वास्थ्य विज्ञान प्रतिष्ठान पोखरामा रहेको छ । डिएसपी हमालले पोष्टमार्टम रिपोर्टपछि नै बच्चा मृत जन्मेको वा जन्माएर मारेकोबारे थाहा हुने बताएका छन् । सोहि अनुसार मुद्धा अघि बढ्ने उनले जनाए ।
उनले बयानमा आफ्नो श्रीमान् विदेशमा रहेको बताएकी छन् । र, एक पुरुषसँग सम्पर्कमा रहँदै आएको पनि उनले खुलाएकी छिन् । अनैतिक सम्बन्धका कारण नै घटना घट्न पुगेको प्रहरी निश्कर्ष छ ।
