- ट्रेण्डिङ :
गुल्मी - सामुदायिक वनमा लागेको डढेलो गाउँमा पसेपछि गुल्मीमा ११ घर जलेर नष्ट भएका छन् ।बुधबार राति गुल्मीको कालिगण्डकी गाउँपालिका २ मा ४ घर र मुसिकोट नगरपालिका ५ खरबाङ मा ७ घर जलेर नष्ट भएका जिल्ला प्रहरी कार्यालय गुल्मीका डिएसपी पुरुषोत्तम प्रसाद पाण्डेले जानकारी दिएका छन् ।
सुख्खा मौससमा बनमा लागेको डढेलो हावाले उडाउँदा घरहरु जलेका प्रमुख जिल्ला अधिकारी रुद्र देवी शर्माले जानकारी दिएका छन् । आगलागीबाट ११ वटा घर जलेर पूर्ण नष्ट भएका र क्षतिको विवरण आउन बाँकी रहेको छ ।
आगलागी भएको स्थानमा प्रमुख जिल्ला अधिकारीसहितको टोली घटनास्थलतर्फ गएका छन् । यस्तै, सोही जिल्लाको इस्मा गाउँपालिकामा रहेका सामुदायिक बनहरुमा पनि केही दिनदेखि आगलागी भइरहेको छ ।
