- ट्रेण्डिङ :
तनहुँ - कोभिड १९ को दोस्रो लहर नेपालमा देखा परे संगै प्रशासनले सजक रहन आग्रह गरेको छ । प्रमुख जिल्ला अधिकारी सागर आचार्यको अध्यक्षतामा आज बसेको जिल्ला कोभिड–१९ संकट व्यवस्थापन केन्द्रको बैठकले तनहूँमा सामुहिक भेला भई होली नमनाउन आग्रह गरेको छ ।
नजिकिएको होली पर्वलाई केन्दीत गरेरर भीडभाड गरी होली मनाउँदा जोखिम बढ्न सक्ने भएकाले सबैलाई उक्त अनुरोध गरिएको हो । 
छिमेकी मुलुक भारतमा देखिएको थप कोरोनाका कारण नेपालमा पनि कोरोनाको दर बढ्दै गएको र मृत्युदरमा वृद्धि भएको सन्दर्भमा खुला सिमानाका कारण मानिसको आवतजावत बढिरहेकाले तनहुँ पनि जोखिम रहेको सहायक प्रमुख जिल्ला अधिकारी चित्राङ्गत बरालले बताए ।
समुदायमा दोस्रो लहर देखिएपछि सबैलाई सजक र सतर्क रहन प्रशासनले अनुरोध गरेको हो । व्यवसायको सन्दर्भमा संक्रमणको अवस्थालाई विचार गरी राति १० बजेपछि बन्द गराउने निर्णय गरेको छ ।बैठकले जात्रा, मेला महोत्सव, कन्सर्ट तथा भीडभाड हुने कार्यक्रम गर्न पनि रोक लगाएको छ । भारतबाट आउने सम्पुर्णलाई निगरानीमा राखिने समेत प्रशासनले बताएको छ ।
