- ट्रेण्डिङ :
गोरखा - गोरखा नगरपालिका १० स्थित छेपेटारमा गुडिरहेको ट्याक्टरबाट खसेर शनिवार स्थानीय १ युवकको मृत्यु भएको छ जिल्ला प्रहरी कार्यालय गोरखाका प्रहरी नायब उपरीक्षक (डीएसपी) प्रकाश दाहालका अनुसार मृत्यु हुनेमा ३१ वर्षका डिलबहादुर नेपाली रहेको जानकारी दिए ।
बाह्रकिलो बजारबाट दिउँसो छेपेटारतर्फ जाँदै गरेको ग१त ४३७१ नम्बरको आफैं चढेको ट्याक्टरबाट खसेर नेपालीको घटनास्थलमै मृत्यु भएको उनको भनाइ छ । ट्याक्टरबाट खसेलगत्तै सोही ट्याक्टरको पछाडिको भागले नेपालीलाई च्यापेको थियो । ट्रयाक्टरको ट्रलीबाट खस्दा उनको टाउकोमा गम्भीर चोट लागेको थियो ।
घटनापछि ट्याक्टर र चालक उज्ज्वल कुमाललाई नियन्त्रणमा लिइएको डीएसपी दाहालले बताए ।
