- ट्रेण्डिङ :
नेपालगन्ज - बाँकेको नरैनापुरमा आगलागी हुदाँ ५० भन्दा बढी घर जलेर नष्ट भएको छ। नरैनापुर गाउँपालिका ४, खोदवा गाउँमा आगलागी हुँदा ५० भन्दा बढी घर जलेका हुन ।
स्थानीयवासी विनय दीक्षितका अनुसार गाउँका आधाभन्दा बढी घरमा क्षति पुगेको छ। आगो अझै पूर्णरुपमा नियन्त्रणमा आइसकेको छैन। आगलागी हुनेबित्तिकै नरैनापुरको एउटा र नेपालगन्जका दुई वटा दमकल पुगेका थिए।
आगोमा जलेर केही मानिस घाइतेसमेत भएको प्रमुख जिल्ला अधिकारी रामबहादुर कुरुम्बाङले जानकारी दिए। बाँकेको नरैनापुर नेपालगन्जदेखि ४० किमि पूर्वमा पर्छ। यसअघि पनि नरैनापुरका विभिन्न गाउँमा पटक पटक आगलागी भइसकेको छ।
