- ट्रेण्डिङ :
लमजुङ - लमजुङमा एक घरमा आगलागी हुदाँ एक जना वृद्धकाे घर जलेर पूर्णरुपमा क्षति भएको छ । खाना पकाउने चुलोमा रहेको आगो बिस्तारामा सल्केर आगलागी हुँदा लमजुङको दोर्दी गाँउपालिका वडा नं ५ तल्लो पाचोकका ७० वर्षीय वृद्ध मेकरास घलेको घर पूर्णरुपमा जलेर नष्ट भएको हो ।
वृद्ध घलेको घरमा खाना पकाइ सकेपछि चुलोमा रहेको आगो नजिकैको बिस्तारमा सल्किएको गण्डकी प्रदेश प्रहरी कार्यालयका प्रहरी वरिष्ठ उपरीक्षक मोहन प्रसाद पोखरेलले जानकारी दिए । आगलागीबाट १ तल्ले घर पूर्णरुपमा क्षति भएको छ । घरमा रहेको भाँडावर्तन, अन्नपात र लत्ताकपडा गरी झण्डै ५ लाख बराबरको क्षति भएको पोखरेलले जानकारी दिए । घटनामा कुनै मानिस र जनावरलाई क्षति नभएको पनि जनाइएको छ ।
