शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
पोखरा - कास्की प्रहरीले पोखरा फुस्रे खोलाबाट दुई युवालाई लागुऔषधसहित पक्राउ गरेका छन् । पक्राउ पर्नेमा पोखरा महानगरपालिका वडा नं १७ बिरौटा बस्ने ३१ वर्षीय सुरज कुमार क्षेत्री र स्याङ्जा जिल्लाको पुतलीबजार नगरपालिका वडा नं २ घर भइ हाल बिरौटा बस्ने ३२ वर्षीय दीपक कुँवर रहेका छन् ।
ग १६ प ५१५७ नं.को स्कुटरमा सवार क्षेत्री र पछाडि बस्ने कुँवरलाई जिल्ला प्रहरी कार्यालय कास्कीबाट खटिएको गस्ती टोलीले हिजाे साढे २ बजे महानगरको वडा नं २१ फुस्रे खोला नजिकबाट पक्राउ गरेको प्रहरीले जनाइएको छ ।
गण्डकी प्रदेश प्रहरी कार्यालयका प्रहरी वरिष्ठ उपरीक्षक मोहन प्रसाद पोखरेलले दिएको जानकारी अनुसार उनीहरुका साथबाट फेनारगन ७० एम्पुल, डाईजापाम ७४ एम्पुल र नोर्फिन ६६ एम्पुल गरी जम्मा २१० एम्पुल लागु औषध फेला परेको थियो । प्रहरीले दुवैजनालाई नियन्त्रणमा लिइ थप अनुसन्धान गरिरहेको पोखरेलले जानकारी दिए ।
