आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
पोखरा - लामो समयको खडेरीले पँधेरामा पानी सुकेको छ, २ महिनादेखि लिफ्टिङ पानीको मशिन समेत बिग्रिएपछि दैनिक घरमा अत्यावश्यक पानी कसरी पुर्याउने भन्ने चिन्ता छ, पोखरा महानगरपालिका ३३ बरमाझथरस्थित सलिना किराना पसलका सञ्चालक नरहरी पौडेलले भने ।
लामो समयदेखिको खडेरीले यतिखेर स्थानीय पानीको चरम समस्या झेल्दै आएका छन् ।
स्थानीयको सक्रियतामा सञ्चालनमा ल्याइएको खुर्वादी हुडिकोट लिफ्टिङमार्फत गाउँमा पानी वितरण हुँदै आएकामा २ महिनायता मशिन समेत बिग्रिएपछि दैनिकी सञ्चालनमा नै समस्या आएको हो ।
करीब १३० घरधुरीले उपयोग गर्दै आएको लिफ्टिङ पानी सञ्चालन नहुनुका साथै वरपरका कुवा तथा पँधेरामा पनि पानी सुकेपछि १ गाग्री पानीका लागि घण्टौं कुर्नुपर्ने बाध्यता छ ।
पिउने पानीका साथै गाईवस्तुलाई खुवाउने पानी पनि कसरी जुटाउने भन्ने चिन्ता थपिएको स्थानीयले बताएका छन् । पौडेलका अनुसार खुर्वादी हुडिकोट लिफ्टिङ सञ्चालन नहुँदा आसपासका कटुजे, ओख्ले, खुर्वादी, कल्स्याङ्दी लगायतका स्थानमा पुगी स्थानीयले गाग्रीमा बोकेर पानी ल्याउने गर्दछन् ।
ती प्राकृतिक जलाशयमा पनि खडेरीले पानी सुक्दै गएपछि आफूहरू चरम समस्या समस्यामा परेको उनले बताए । रासस
