- ट्रेण्डिङ :
पर्वत - पर्वतको जलजला गाउँपालिकामा घास काट्न भनी घरबाट निस्केका एक युवक मृत अवस्थामा फेला परेका छन् ।
घाँस काट्नका लागि घरबाट निस्किएका जलजला ७ का ३५ वर्षीय मकरबहादुर केसी शनिबार दिउँसो मृत अवस्थामा फेला परेको हो । जिल्ला प्रहरी कार्यालय पर्वतका अनुसार शनिबार बिहानै घाँस काट्न निस्किएका केसी दिउँसोसम्म पनि नफर्किएपछि स्थानीयवासीले खोजी गर्दा मृतावस्थामा फेला पारेका हुन् ।
गाउँदेखि केही दुरीमा पर्ने सल्यानको जङ्गलमा आगलागी भएपछि गाउँले आगो निभाउन जाने क्रममा भिरको डिलमा केसीको चप्पल देखेपछि थप खोजी गर्दा उनी मृतावस्थामा भेटिएको प्रहरीले जनाएको छ ।
घाँस काट्न जाने क्रममा भिरबाट लडेर २०० मिटर तल पुगेको अवस्थामा शव निकालिएको र परीक्षणका लागि म्याग्दी अस्पताल बेनीमा लगिएको पनि प्रहरी निरीक्षक पौडेलले जानकारी दिए ।
