- ट्रेण्डिङ :
पोखरा - कोरोना संक्रमणका कारण पोखराका एक पुरुषको मृत्यु पुष्टि भएको छ ।
पोखरा महानगरपालिका -१६ घर भएका ६५ वर्षीय पुरुषको कोरोना संक्रमणकै कारण आइतबार चरक मेमोरियल अस्पतालमा मृत्यु भएको गण्डकी प्रदेश स्वास्थ्य निर्देशनालयका प्रमुख डा। विनोद विन्दु शर्माले जानकारी दिए ।
गत चैत्र ३१ गते कोरोना पोजेटिभ भएर उपचारका लागि अस्पताल भर्ना भएका उक्त पुरुषको उपचारकै क्रममा मृत्यु भएको अस्पतालले जनाएको छ ।
यो संगै, कास्कीमा कोरोना संक्रमणका कारण ज्यान गुमाउनेको संख्या ११६ पुगेको छ भने, गण्डकीमा यो संख्या २०८ पुगेको निर्देशनालयले जनाएको छ ।
