- ट्रेण्डिङ :
बुटवल - एक निजी विद्यालयमा अध्ययनरत छात्राको अचानक मृत्यु भएको छ।
रूपन्देहीको तिलोत्तमाको प्यारामाउण्ट बोर्डिङ स्कुलको होस्टेलमा बसेकी कक्षा १० मा अध्ययनरत १५ वर्षीया प्रतिमा सापकोटाको शनिबार मृत्यु भएको विद्यालयका सहप्राचार्य लिलाधर किराँतले जानकारी दिए।
बिरामी भएपछि अभिभावकको जिम्मा लगाएको र अस्पताल लैजाँदै गर्दा मृत्यु भएको खबर आएको उनले बताए।
बालिकामा ज्वरो आउने, टाउको दुख्ने र श्वासप्रश्वासमा समस्या रहेको थियो। विद्यालयबाट ल्याइएकी उनलाई नजिकैको क्रिमसन अस्पतालमै लैजाँदै गर्दा मृत्यु भएको बालिकाका आफन्त भास्कर भण्डारीले जानकारी दिए।
छात्राको मृत्युपछि विद्यालयमा तनाव उत्पन्न भएको छ। विद्यालयमा पूर्वविद्यार्थी र आफन्तले विद्यालय बन्द गर्न माग गर्दै घेराउ र नाराबाजी गरेका छन्।
