सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
लमजुङ - लमजुङमा घर पोत्ने माटो लिन जाने क्रममा माटोको ढिस्कोले लागेर २ महिला घाइते भएका छन् । क्व्होलासोंथर गाउँपालिका ४ भुजुङका ३५ बर्षीया चन्द्रकुमारी गुरुङ र ३८ बर्षीया आइती गुरुङ घाइते भएका हुन ।
जिल्ला प्रहरी कार्यालय लमजुङका अनुसार गाउँ नजिकैको तो ङ्ह्यो भन्ने ठाउँमा घर पोत्ने माटो लिन जाने क्रममा मंगलबार दिउँसो साँढे १२ बजेतिर माटोको ढिस्कोले लागेर घाइते भएको जनाएको छ । माटो निकाल्ने क्रममा माथिबाट एक्कासी आएको ढिस्कोले लागेर चन्द्रकुमारी गुरुङ मध्यम घाइते भएका हुन ।
चन्द्रकुमारीको दाहिने कुम, खुट्टा फ्याक्चर भएको र जिल्ला अस्पताल लमजुङमा उपचार भइरहेको छ भने आइती गुरुङ सामान्य घाइते भएकी छन । उनको स्थानीय स्वास्थ्य संस्थामा उपचारपछि घर फर्कि सकेका छन ।
