- ट्रेण्डिङ :
गोरु काटेको अभियोगमा कास्की प्रहरीले दुई जनालाई पक्राउ गरेको छ। पक्राउ पर्नेमा पोखरा -१८ लामागाउँ बस्ने ८४ वर्षीय बिर बहादुर तामाङ र सोही वडाको धारापानी बस्ने ५० वर्षीय गंगा बहादुर गुरुङ रहेको कास्कीका प्रहरी नायव उपरीक्षक तथा प्रहरी प्रवक्ता सुवास हमालले जानकारी दिए। पोखरा महानगरपालिका वडा नं -१८ पिपलडाली भन्ने स्थानमा गोरु काट्दै गरेको भन्ने सूचनाका आधारमा जिल्ला प्रहरी कार्यालय र वडा प्रहरीले कार्यालय वगरबाट खटिएको प्रहरीको टोलीले उनीहरुलाई गोरुको टाउको, मासु र मासु काट्न प्रयोग हुने हतियार सहित पक्राउ गरेको हो । पक्राउ परेका उनीहरुमाथि पशुपंक्षी सम्बन्धी कसूर अन्तर्गत थप अनुसन्धान कार्य अगाडी बढाइएको प्रवक्ता हमालले जानकारी दिए।
