- ट्रेण्डिङ :
तनहुँ । पछिल्लो २४ घण्टामा कोरोना संक्रमणबाट तनहुँका तीन जनाले ज्यान गुमाएका छन । स्वास्थ्य निर्देशानलयका निर्देशक बिनोद बिन्दुले दिएको जानकारी अनुसार तनहुँका दुई पुरुष र एक महिलाले ज्यान गुमाएका हुन ।
ज्यान गुमाउनेमा सबै भन्दा बढी उमेर रहेका व्यास नगरपालिका - १३ का ९१ बर्षीय पुरुष रहेका छन । उनको नेशनल एपोलो अस्पताल, तनहुँमा उपचारको क्रममा २०७८/०२/०२ गते दुखद निधन भएको हो । उनलाई २०७८०२०१ गते कोरोनाको संक्रमण पुष्टि भएको थियो।
यसै गरी व्यास नगरपालिका - ४ की कोरोना संक्रमित महिलाको मिति २०७८/०२/०१ गते होम अइसोलेसनमा दुखद निधन भएको छ । वहाँमा मिति २०७८/०२/०१ गते कोरोनाको संक्रमण पुष्टि भएको थियो । उनको उमेर भने खुलाएको छैन ।
पोखराको पोखरा स्वास्थ्य विज्ञान प्रतिष्ठानमा घिरिङ गाउँपालिका - ३ का ६४ बर्षीय कोरोना संक्रमित पुरूषको मिति २०७८/०२/०१ गते उपचारको क्रममा दुखद निधन भएको छ । वहाँमा मिति २०७८/०१/२९ गते कोरोनाको संक्रमण पुष्टि भएको थियो।
पछिल्लो २४ घण्टामा तनहुँ गरिएको ७७ जानको पिसीआर परिक्षणमा २४ जनामा कोरोना पुष्टि भएको छ । जसमा १० महिला १४ जना पुरुष रहेका छन । अहिले सम्म तनहुँमा कोरोना संक्रमणबाट १५ महिला र २४ पुरुष गरी ३९ जनाले ज्यान गुमाएका छन । यसै गरी तनहुँमा अहाल सम्म २०३३ जनामा संक्रमण पुष्टि भएको छ । जसमा हाल ४३० संक्रिय केश रहेका छन भने १५६४ जनाले कोरोना जितेर घर फर्किसकेका छन।
