- ट्रेण्डिङ :
दैलेख । दैलेखमा जीप दुर्घटना हुदाँ दुई जनाको घटना स्थलमै मृत्यु भएको छ । जिल्लाको दुल्लु नगरपालिका ३ स्याँला भन्ने स्थानमा जीप दुर्घटना भएको हो ।
जुम्लाबाट सुर्खेत जाँदै गरेको बा २० च ७१५ नम्बरको जीपमा सवार जुम्लाको गुठिचौर गाउँपालिका ४ का ३८ वर्षीय रामहरी न्यौपाने र सोहि ठाउँकी २७ वर्षीया राज्यलक्ष्मी न्यौपानेको मृत्यु भएको जिल्ला प्रहरी कार्यालय दैलेखका प्रहरी नायब उपरीक्षक (डीएसपी) अनुपम श्रेष्ठले जानकारी दिए।
जीप ब्रेक फेल भई दुर्घटनामा परेको प्रहरीको प्रारम्भिक अनुसन्धानले देखाएको छ। जीप सडकबाट झण्डै पाँच सय मिटर तल खसेको प्रहरीले जनाएको छ। दुर्घटनाबारे अनुसन्धान भइरहेको प्रहरीले जनाएको छ।
