- ट्रेण्डिङ :
बारा । बारामा एकै परिवारका दुई बालकको घाटी रे'टेर ह'त्या गरिएको अवस्थामा श'व फेला परेको छ । जिल्लाको कलैया उपमहानगरपालिका-७ रंगपुरमा रहेको मदर्शा सल्फिया कन्जुल उलुममा दुई दाजुभाई गफार मियाँका छोराहरु ९ वर्षीय उशमान अन्सारी र ७ वर्षीय अमिन अन्सारीको श'व आज बिहान भेटिएको प्रहरीले जनाएको छ । दुवैजना सहोदर दाजु भाई हुन् ।
आज बिहान सोही ठाउँमा निर्माणाधीन मदरसाको कोठाभित्र बरामद भएको जिल्ला प्रहरी प्रवक्ता डिएसपी गौतम मिश्राले बताएका छन् । हिजो साँझ ८ बजे घरबाट बाहिर खेल्न गएका दुवैजना बालक सोही समयदेखि वेपत्ता थिए ।
गफार मियाका दुवैजना छोराको श'व हेरेर आज बिहान स्थानीयले प्रहरीलाई खबर गरेका थिए । घटनाको थप अनुसन्धानको लागि तालिमप्राप्त कुकुरमार्फत घटनास्थलको थप अनुसन्धान गर्ने डिएसपी गौतमले जानकारी दिएका छन् । घटनाका सम्बन्धमा प्रहरीले केहीसमयपछि विस्तृत विवरण दिने बताइएको छ ।
