सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
पोखरा - पोखरामा फेरी तेस्रो पटक भुकम्पको धक्का महसुस गरिएको छ । एका बिहानै बिहान ५:४२ लमजुङ भुलभुले केन्द्र विन्दु बनाएर गएको ५.८ रेक्टर स्केल पछी पुन ८ :१६ मा भुलभुले आसपास केन्द्र विन्दु बनाएर ४.० स्केल र तेस्रो पटक सोही ठाउँ आसपास भएर ८ :२६ मा ५.३ को भुकम्प गएको हो ।
भुकम्प जाँदा सात वटा घर भत्किएका छन् भने तीन जना घाइते
लमजुङ । लमजुङ जिल्लालाई केन्द्रबिन्दु बनाएर बुधवार बिहान भूकम्प जाँदा सात वटा घर भत्किएका छन् भने तीन जना घाइते भएको प्रहरीले जनाएको छ ।
भूकम्पमा परी मर्स्याङ्दी गाउँपालिकाका ४० वर्षीया उमा गुरुङ र ८३ वर्षीया खवकुमारी पाण्डे घाइते भएकी छिन् भने अर्का एक जना घाइतेको नाम खुलेको छैन । जिल्ला प्रहरी कार्यालय लमजुङका प्रमुख डीएसपी गंगाबहादुर थापाका अनुसार सात वटा घर भत्केको जानकारी आएको बताएका छन् । उनका अनुसार भत्किएका सबै कच्ची घर हुन् । घाइतेलाई जिल्ला अस्पतालमा उपचारका लागि ल्याइएको छ ।
लमजुङको भूलभूले, बाँझाखेत आसपासमा केन्द्र रहेर बुधबार बिहान ५ बजेर ४३ मिनेटमा ५.८ म्याग्नीच्युडको भूकम्प गएको राष्ट्रिय भूकम्प मापन तथा अनुसन्धान केन्द्रले जानकारी दिएको छ । भूकम्पको धक्का लमजुङ सहित आसपासका काठमाडौं लगायत मनाङ, गोरखा, तनहुँ, कास्कीसम्म पुगेको थियो ।
