- ट्रेण्डिङ :
पोखरा । काठमाण्डौबाट रुकुम पश्चिमको लागि छुटेको बस नवलपरासी पश्चिममा दुर्घटना हुदाँ चार जनाको घटनास्थलमै ज्यान गएको छ ।
ना ५ ख २७१३ नम्बरको बस दाउन्नेको जंगलमा विहान ६ वजे खुर्सानीखोलाबाट खस्दा चार जनाको घटनास्थलमै ज्यान गएको नवलपरासी पश्चिमका प्रहरी प्रवक्ता डीएसपी राजु लामाले जानकारी दिए ।
बस खसेको थाहा पाएलगत्तै प्रहरी पुगेको र घटनास्थलमा चार जनाको शव भेटिएको डीएसपी लामाले बताए । ज्यान जानेमध्ये रुकुम पश्चिमको त्रिवेणी गाउँपालिकाकी कल्पना पुनको मात्रै परिचय खुलेको उहाँले बताए ।
घाइतेहरुको विभिन्न अस्पतालमा उपचार भइरहेको र कतिजना घाइते भएका छन् भन्ने विवरण संकलन भइरहेको छ । दुघर्टनामा घाइते भएर पनि भागेका बस चालकलाई प्रहरीले पक्राउ गरेर अस्पताल पुर्याएको छ ।
निषेधाज्ञामा पनि बसले कसरी मान्छे बोकेर हिँड्यो भन्ने विषयमा अनुसन्धान भइरहेको प्रहरीले जनाएको छ । घाईते ४९ जना मध्ये ४२ जनाको चिसापानी सामुदायिक अस्पताल बर्दघाट, ५ जनाको संजिवनी हेल्थ क्लीनिकमा उपचार भैरहेको छ ।चालकले प्रहरीलाई बसको ब्रेक फेल भै दुर्घटना हुन पुगेको बताएका छन ।
