- ट्रेण्डिङ :
बाँके । बाँकेका अस्पतालमा उपचाररत थप १७ कोरोना सङ्क्रमितको एकै रातमा मृत्यु भएको छ । नेपालगञ्जस्थित भेरी अस्पताल र शिक्षण अस्पताल कोहलपुरमा गए रातिदेखि आज बिहानसम्ममा १७ जनाको मृत्यु भएको छ ।
उपचारका क्रममा मृत्यु हुनेमा ८ जना बाँके र ९ जना बाहिरी जिल्लाका रहेको जिल्ला कोभिड सङ्कट व्यवस्थापन केन्द्रका स्रोतव्यक्ति तेज वलीले बताए ।
यससँगै बाँकेमा कोरानाबाट २५४ र अन्य जिल्लाबाट यहाँ उपचार गराउन आउँदा २१० जनाको मृत्यु भएको जिल्ला कोभिड सङ्कट व्यवस्थापन केन्द्र बाँकेका स्रोतव्यक्ति वलीले बताए ।
विराटनगरका विभिन्न तीन अस्पतालमा उपचाररत थप पाँच कोरोना संक्रमितको मृत्यु
विराटनगरका विभिन्न तीन अस्पतालमा उपचाररत थप पाँच कोरोना संक्रमितको मृत्यु भएको छ । बुधबार मृत्यु हुनेमा एक महिला र चार पुरुष छन् ।
कोसी अस्पताल कोभिड–१९ उपचार केन्द्रमा विराटनगर महानगरपालिका–८ का ४६ वर्षीय पुरुषको मृत्यु भएको छ । उनलाई वैशाख २७ गते अस्पतालमा भर्ना गरिएको थियो । सोही अस्पतालमा सुनसरीको रामधुनी नगरपालिका–५ का ४३ वर्षीय पुरुषको पनि मृत्यु भएको छ ।
उनी हिजोमात्र अस्पताल भर्ना भएका थिए । नोबेल शिक्षण अस्पतालमा सुनसरीको भोक्राहानरसिंह गाउँपालिका–७ का ५४ वर्षीय पुरुष र झापाको दमक नगरपालिका–५ का ७३ वर्षीय पुरुषको मृत्यु भएको अस्पतालमा प्रबन्धक नारायण दाहालले जानकारी दिए ।
