- ट्रेण्डिङ :
तनहुँ । पछिल्लो २४ घण्टामा तनहुँका ५ जना कोरोना संक्रमितले ज्यान गुमाएका छन । निधन हुनेमा चार पुरुष र एक महिला छन । उनीहरु मध्य चार जनाको चितवन मेडिकल कलेज र एक जनाको जी।पी। कोइराला राष्ट्रिय श्वास प्रश्वास उपचार केन्द्र, तनहुँमा उपचारको क्रममा दुखद निधन भएको हो ।
स्वास्थ्य निर्देशानलयका निर्देशक डा बिनोद बिन्दु शर्माका अनुसार आज तनहुँ भरी ७७ जनामा गरिएको परीक्षणमा ५६ जनामा कोरोना पुष्टि भएको छ । २१ महिला र ३५ पुरुष रहेका छन ।
यो सँगै तनहुँमा हाल सम्म ४८ जनाले ज्यान गुमाएका छन । आज नै गण्डकी प्रदेशमा थप ३० जनाले ज्यान गुमाएका छन ।
तनहुँ जिल्ला, भानु नगरपालिका - ४ का ७१ बर्षीय कोरोना संक्रमित पुरूषको मिति २०७८/०२/०५ गते चितवन मेडिकल कलेज, चितवनमा उपचारको क्रममा दुखद निधन भएको छ । वहाँमा मिति २०७८/०२/०२ गते कोरोनाको संक्रमण पुष्टि भएको थियो।
तनहुँ जिल्ला, भानु नगरपालिका - १२ की ६५ बर्षीय कोरोना संक्रमित महिलाको मिति २०७८/०१/२३ गते चितवन मेडिकल कलेज, चितवनमा उपचारको क्रममा दुखद निधन भएको छ । वहाँमा मिति २०७८/०१/२२ गते कोरोनाको संक्रमण पुष्टि भएको थियो।
तनहुँ जिल्ला, बन्दीपुर नगरपालिका - २ का कोरोना संक्रमित पुरूषको मिति २०७८/०१/११ गते भरतपुर अस्पताल, चितवनमा उपचारको क्रममा दुखद निधन भएको छ । वहाँमा मिति २०७८/०१/०२ गते कोरोनाको संक्रमण पुष्टि भएको थियो ।
तनहुँ जिल्ला, व्यास नगरपालिका - १ का ४१ बर्षीय कोरोना संक्रमित पुरूषको मिति २०७८/०१/३० गते चितवन मेडिकल कलेज, चितवनमा उपचारको क्रममा दुखद निधन भएको छ । वहाँमा मिति २०७८/०१/२६ गते कोरोनाको संक्रमण पुष्टि भएको थियो।
तनहुँ जिल्ला, शुक्लागण्डकी नगरपालिका - ५ का ८१ बर्षीय कोरोना संक्रमित पुरूषको मिति २०७८/०२/०३ गते जी.पी. कोइराला राष्ट्रिय श्वास प्रश्वास उपचार केन्द्र, तनहुँमा उपचारको क्रममा दुखद निधन भएको छ । वहाँमा मिति २०७८/०२/०३ गते कोरोनाको संक्रमण पुष्टि भएको थियो ।
