आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
प्यूठान .प्यूठानमा गए राति घर भत्किँदा एकै घरका तीन जनाको मृत्यु भएको छ।
नौ बहिनी गाउँपालिका १ स्याउँ लिवाङ चौतारामा शनिबार राति घर भत्किँदा एकै परिवारका तीन जनाको मृत्यु भएको प्रहरीले जानकारी दिएको छ।
मृत्यु हुनेमा ४० वर्षीय वोम बहादुर मल्ल, उनकी ३३ वर्षीया श्रीमती गमी मल्ल र ३ वर्षीय छोरा शिशीर मल्ल रहेको जिल्ला प्रहरी कार्यालय प्यूठानका प्रहरी निरीक्षक देवीप्रसाद गैरेले जानकारी दिए।
गैरेका अनुसार अन्य ४ छोरीहरू भने अर्काे कोठामा सुतेको हुँदा सकुसल छन्। खरको छाना हटाएर जस्तापाता लगाउन तयार पारिएको घर शनिबार राति एक्कासी भत्किएको थियो।
बिहान साढे ७ बजे घर भत्केको खबर आएपछि घटनास्थलमा पुग्दा तीन जनाको शव फेला परेको प्रहरीले जानकारी दिएको छ।
