सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
गोरखा । गोरखामा घरको जग खन्ने क्रममा माटोको ढिस्कोले पुरेर दुईजना मजदुरको घटना स्थलमै ज्यान गुमाएका छन ।
जिल्लाको सिरानचोक गाँउपालिका १ भिरसिंम्मा भन्ने स्थानमा जिल्ला समन्वय समितिका प्रमुख अशोक गुरुङको घरको कम्पाउड निर्माणमा खटिएका ५८ वर्षीय काले गुरुङ र ३५ वर्षीय भिमबहादुर गुरुङको मृत्यु भएको जिल्ला प्रहरी कार्यालय गोरखाका डिएसपी प्रकाश दाहालले बताए ।
घरको कम्पाउन्डको जग खन्ने क्रममा माथिबाट झरेको माटोको ढिस्कोले पुरिएर घाइते भएका उनीहरुको उपचारका क्रममा जौवारी प्राथमिक स्वास्थ्य केन्द्रमा मृत्यु भएको उनले बताए ।मृतक दुवैजना सिरानचोक गाउँपालिका १ भिरसिंका हुन् ।
गोरखामा संरक्षित कालो सालक भेटियो
गोरखा र धादिङ जोड्ने बुढीगण्डकी नदी किनारमा हिँड्दै गरेको अबस्थामा संरक्षित कालो सालक फेला परेको छ ।उक्त सालकको उद्धार गोरखा नगरपालिकाको एक सामुदायिक वनमा ल्याएर छोडिएको गरिएको जिल्ला वन कार्यालय गोरखाले जनाएको छ ।
कार्यालयका सूचना अधिकारी महेश पौडेलका अनुसार सोमबार आरुघाट गाउँपालिका ९ मा अलपत्र परेको अवस्थामा उक्त सालक भेटिएको हो । भेटिएको सालकलाई गोरखा नगरपालिकाको एक सामुदायिक वनमा ल्याएर छोडिएको पौडेलले जानकारी दिए ।
गोरखा नगरपालिकाको ठूलो वन क्षेत्रमा पनि यसअघि धेरै पटक सालक फेला परेको कार्यालयले जनाएको छ । गोरखामा पहिलो पटक सालक भेटिएको होइन । यस अघि गोरखा नगरपालिका र पालुङटारमा पनि धेरै फेला परेका छन ,सूचना अधिकारी पौडेलले भने ।
