- ट्रेण्डिङ :
तस्विर सुरज गुरुङ
पोखरा । कास्कीमा पुजा गरेर फर्किएको जीप दुर्घटना हुदाँ सात जना घाइते भएका छन । बुद्द जयन्तीको दिन जिल्लाको रुपा गाउँपालिका ७ मोहोरिया चिसापानी देवीको पुजा गरेर फर्किने क्रममा सोही वडाको सौर्यबास नजिकै ग १ च ३३६९ नम्बरको जीप दुर्घटना भएको हो ।
दुर्घटनामा परी सात जना घाइते भएका छन भने एक जनाको अवस्था गम्भिर रहेको छ । जीप चालक पनि सामान्य घाइते भएका छन । चालकका अनुसार गाडीको ब्रेक फेल भएर दुर्घटना भएको बताएका छन । यदपी घटनाका प्रत्यक्षदशीका अनुसार चालकले मादकपर्दाथ सेवन गरेको भन्ने भनाई छ ।प्राप्त जानकारी अनुसार घाइतेहरु सबै कास्की घडेरीका हुन ।
घाइतेलाई रुपा गाउँपालिकाको एम्बुलेन्समा थप उपचारको लागी पोखरा पठाइेको बताएको छ । बैशाखपुर्णेको दिन हरेक बस रुपाको चिसापानीदेवी मन्दिरमा ठुलो मेला लाग्ने गर्दछ । यहाँ भाकल राख्न र पुजा गर्न देशका बिभिन्न स्थानबाट भक्तजनहरु अौने गर्छ ।
स्याङ्जामा जङ्गलमा गएकी युवतीलाई ब'ला'त्कार गरेको आरोपमा एक जना पक्राउ
पोखरा । ब'ला'त्कार गरेको आरोपमा प्रहरीले आज बिरुवा गाउँपालिका ४ खुदीका दुर्गाबहादुर दमैलाई पक्राउ गरेको छ ।
एक २२ वर्षीया युवतीलाई बला'त्कार गरेको आरोपमा ६० वर्षीय दमैलाई पक्राउ गरिएको जिल्ला प्रहरी कार्यालय स्याङ्जाका प्रहरी नायब उपरीक्षक राजेन्द्रप्रसाद अधिकारीले जानकारी दिए ।
बाख्रा चराउन जङ्गलमा गएकी युवतीलाई ब'ला'त्कार गरेको भन्ने जाहेरीका आधारमा दमैलाई पक्राउ गरेर जिल्ला अदालत स्याङ्जाबाट म्याद थप गरी अनुसन्धान प्रक्रिया अगाडी बढाइएको जिल्ला प्रहरी कर्यालय स्याङ्जाले जनाएको छ । रासस
स्याङ्जामा नक्कली सेनिटाइजरको कारोबारी गर्ने पक्राउ
स्याङ्जा । स्याङ्जामा नक्कली सेनिटाइजरको कारोबारी गर्ने स्यङ्जाका एक युवालाई प्रहरीले पक्राउ गरेको छ । पुतलीबजार १ का ४७ वर्षीय देवेन्द्र पौडेललाई नक्कली सेनिटाइजर बेच्दै गरेको अवस्थामा जिल्ला प्रहरी कार्यालय स्याङ्जाले पक्राउ गरेको हो ।
पौडेलले जिल्ला सदरमुकाममा मित्र काफ्लेको घरमा कोठा भाडामा लिई नक्कली सेनिटाइजर कारोबार गर्दै आएको अनुसन्धानबाट खुलेको जिल्ला प्रहरी कार्यालय स्याङ्जाका प्रमुख तथा एसपी होबिन्द्र बोगटीले जानकारी दिए ।
पौडेलको कोठाबाट डिटर्जेन्ट एण्ड कस्मेटिक उद्योगको लेबल लगाइएको ह्यान्ड सेनिटाइजर ९० लिटर र ग्लोबल हेल्थ केयर भारत लेखिएको लेबल लगाइएको ह्यान्ड सेनिटाइजर ९० लिटर बरामद गरिएको प्रहरीले जनाए ।
पौडेलले नक्कली सेनिटाइजरलाई विभिन्न कम्पनीको लेबल लगाएर बेच्ने गरेको प्रहरीको भनाइ छ । उनलाई कालोबजारीसम्बन्धी कसुरमा कानुनी कारवाही अघि बढाइएको प्रहरीले जनाएको छ ।
