- ट्रेण्डिङ :
![तनहुँमा १७ जनामा कोरोना पुष्टि,चारजनाको निधन [विवरण सहित]](https://www.mayurpati.com/media-file/images/2021/05/1620735549-K4cuu.jpg)
तनहुँ । तनहुँमा पछिल्लो २४ घण्टामा १७ जनामा कोरोना संक्रमण भाइरस पुष्टि भएको छ ।जिल्लाका ९६ जनाको पीसीआर परीक्षण गर्दा १७ जनामा कोरोना पुष्टि भएको हो ।
अघिल्लो दिन शनिबार भने जिल्लाभर ६४ जनामा संक्रमण पुष्टि भएको थियो । यसै गरी तनहुँका चार जनाले संक्रमणका कारण ज्यान गुमाएका छन् ।
ज्यान गुमाउनेमध्ये व्यास २ का ४६ वर्षका पुरुषको फेवा सिटी अस्पताल पोखरामा,आँबुखैरेनी २ की ४३ वर्षिया संक्रमितको शनिबार गण्डकी मेडिकल कलेजमा, भिमाद ९ का ४८ वर्षका संक्रमितको शनिबार चरक मेमोरियल अस्पताल तथा शुक्लागण्डकी ७ का ५६ वर्षिय संक्रमितको शनिबार गण्डकी मेडिकल पोखरामा उपचारका क्रममा ज्यान गएको निर्देशनालयले जनाएको छ ।
