सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
पोखरामा २३ हर्पन खोलाको किनारमा एक युवक मृत अवस्थामा फेला परेका छन् । चितवन घर भई पोखरा महानगरपालिका २३ कार्कीको तगारोमा डेरा गरी बस्ने अन्दाजी ३४३५ वर्षीय श्री बिक बाम्दी हर्पन खोलाको किनारमा मृत अवस्थामा फेला परेको गण्डकी प्रदेश प्रहरी कार्यालयले जनाएको छ ।
बिकको शव सोमबार बिहान करिब सवा १० बजे खोलाको किनारमा फेला परेको प्रहरी उपरीक्षक बिनोद सिलवालले जानकारी दिनुभयो । घटनाको बारेमा अनुसन्धान भइरहेको प्रहरीले जनाएको छ ।
पोखरामा कोरोना संक्रमणबाट १२ जनाको मृत्यु ,१५६ जनामा पुष्टि
पछिल्लो २४ घण्टामा पोखराका विभिन्न अस्पतालमा ११ जना र एक जनाको होम आइसोलेशनमा तीन जनाको चितवनमा बागलुङ र म्याग्दीमा एकएक जना गरी गण्डकी प्रदेशका थप १७ कास्कीमा ४,लमजुङ १, तनहुँ ४, नवलपरासी पूर्व ३ म्याग्दी १, स्याङजा २ र बागलुङमा २ जनाको कोरोना संक्रमणका कारण मृत्यु भएको छ ।
पोखरा १ की ६७ वर्षीय महिला, पोखरा ११ का ३५ वर्षीय पुरुष, पोखरा ११ का ६० वर्षीय पुरुष, पोखरा २९ का ८४ वर्षीय पुरुष, लमजुङ सुन्दरबजार ९ की ७० वर्षीय महिला, म्याग्दीको मंगला १ का ३९ वर्षीय पुरुष, बागलुङको बागलुङ नगरपालिकाकी २५ वर्षीय महिला, बागलुङ २ का ६२ वर्षीय कोरोना संक्रमित पुरुषको उपचारका क्रममा मृत्यु भएको छ ।
त्यसैगरी तनहुँ शुक्ला गण्डकी ८ की ३५ वर्षीय महिला, शुक्लागण्डकी ८ का ६५ वर्षीय पुरुष, शुक्लागण्डकी ९ का ३२ वर्षीय पुरुष, ब्यास ७ की ४९ महिला, स्याङजा गल्याङ २ का ४८ वर्षीय पुरुष, वालिङ ९ का ८० वर्षीय पुरुषको उपचारका क्रममा मृत्यु भएको छ ।
त्यस्तै नवलपरासी पूर्व गैडाकोट १७ की ६० वर्षीय महिला, कावसोती ३ की ५६ वर्षीय महिला र कावसोती ८ का ४१ वर्षीय कोरोना संक्रमित पुरुषको उपचारका क्रममा मृत्यु भएको छ । योसँगै गण्डकी प्रदेशमा कोरोना संक्रमणका कारण मृत्यु हुनेको संख्या ६७८ पुगेको छ ।
