शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
पोखरा । पछिल्लो समयमा कोरोनालाई जितेका पोखराका बरिष्ठ संस्कृतिकर्मी मेनकाजी गुरुङको उपचारको क्रममा निधन भएको छ । हिमाली साँंस्कृतिक परिवारका लामो समय देखि अध्यक्ष समेत रहेका गुरुङ तीन साताअघि कोरोना संक्रमणबाट मुक्त भएका थिए ।
कोरोनालाई जितेपनी गुरुङको मुटु सम्बन्धी समस्या रहेको थियो । उनको उपचारका क्रममा गएराती पोखराको फिस्टेल अस्पतालमा निधन भएको हो । पत्नी शोकमा परेको करिब तीन सातामै ५८ वर्षीय गुरुङको निधन भएको हो । उनकी धर्मपत्नी मीना गुरुङको गत बैशाख ३० गते कोरोनाका कारण मृत्यू भएको थियो ।
आफू पनि कोरोना संक्रमित भएका मेनकाजीले त्यसबेला कोरोनालाई परास्त गर्न सफल भएका थिए । स्वर्गीय गुरुङको आजै बौद्ध अर्घौं सदनमा अन्त्येष्टी गरिने परिवारले जनाएको छ ।
उनले पोखरामा स्थापना भएको हिमाली साँस्कृतिक परिवारमा लामो समयसम्म एकल नेतृत्व गर्दै आएका थिए । लामो समयदेखि उनको अगुवाईमा परिवारले कौरा, घाटु, रोधीलगायतका प्रस्तुति देशविदेशमा प्रदर्शन गर्दै आएको थियो । मादी गाउँपालिका वडा न १ सिक्लेस स्थायी घर भइ हाल नयाँ गाउँमा बसोबास गर्दै आइरहेका थिए ।
स्वर्गीय गुरुङका १ छोरा १ छोरी छन् ।उनी तमु धि नेपालका सह सचिव समेत थिए ।
