- ट्रेण्डिङ :
कास्की । पछिल्लो २४ घण्टामा कास्कीमा ८५ जनामा कोरोना पुष्टि भएको छ । स्वास्थ्य निर्देशानलयका अनुसार कास्की सहित गण्डकी प्रदेशभरी ५६६ जनामा संक्रमण पुष्टि भएको हो ।
विज्ञप्ति मार्फत निर्देशनालयले दिएको जानकारी अनुसार पछिल्लो २४ घण्टामा प्रदेशमा १ हजार ५९० जनाको नमुना परीक्षण गरिएकोमा ५६६ जनामा कोरोना पुष्टि भएको हो ।
कास्कीका ८५ सहित स्याङ्जाका ३४ जना, गोरखाका ७२ जना, पर्वतका १९ जना, म्याग्दीका ३१ जना, बाग्लुङका ११४ जना, तनहुँका ३० जना, लमजुङका ५० जना र नवलपुरका १२१ जना गरी प्रदेशका ९ जिल्लामा २७४ पुरुष तथा २९२ जना महिलामा कोरोना पुष्टि भएको हो ।
योसँगै गण्डकी प्रदेशमा कोरोना संक्रमितको कुल संख्या ४५ हजार ९८७ पुगेको छ। पछिल्लो २४ घण्टामा ५२३ जना निको भएसँगै प्रदेशमा संक्रमणमुक्त हुनेको संख्या ३५ हजार ७७३ पुगेको छ ।
