शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
रौतहट । आइतवार राती रौतहटमा स्थानीय र प्रहरीबीच झडप हुदाँ सात प्रहरी घाइते भएका छन ।
निषेधाज्ञामा भएको विवाहमा डिजे बजाएर भिडभाड सहितको बिहे भएपछी सम्झाउन पुगेका प्रहरीमाथी स्थानीयहरुले अवरोध गरेका थिए ।प्रहरी टोलीलाई स्थानीयले बेलुकी ९ बजे ढुंगामुढा, बासको लौरोले प्रहार गरेका थिए ।
पहिले दुई जना सुरक्षाकर्मी पठाएर डिजे बन्द गर्न र भीडभाड नगर्न सम्झाउन पठाएका थियौँ डीएसपी द्वारिका घिमिरेले भने, स्थानीयले उनीहरूलाई घेराबन्दी गरेपछि थप प्रहरी जाँदा आक्रमण भयो । उक्त टोलको तीन घरमा ठूलो आवाजमा डिजे बजाएको थाहा पाएर बन्द गर्न आग्रह गर्दा एक्कासी ढुंगा प्रहार गरेको प्रहरीको भनाइ छ ।
झडपमा डीएसपी घिमिरेको टाउको र ढाडमा समान्य चोट लागेको छ । त्यस्तै अन्य ६ प्रहरी घाइते भएका छन् । प्रहरीमाथि ढुङ्गा प्रहार गरेको आरोपमा स्थानीय दिलीप सहनी, सुनील सहनी र राधा सहनीलाई पक्राउ गरेको छ ।
