शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
पोखरा । पोखराका अग्रज पत्रकार यज्ञराज बाँस्तोलाको कोरोना संक्रमणका कारण निधन भएको छ । पोखरा चरक मेमोरियल अस्पतालमा उपचारको क्रममा बाँस्तोलाको ७१ वर्षको उमेरमा निधन भएको हो ।
रिजनल हस्पिटलमा उपचार सम्भव नभएपछि चरक हस्पिटलमा रिफर गरिएका उनको उपचारको क्रममा गएराति निधन भएको पारिवारिक स्रोतले जनाएको छ । पत्रकार बास्तोला नेपाल पत्रकार महासंघका साधारण सदस्य हुन् । उनी आनन्द मार्ग प्रचारक संघका सल्लाहकारसमेत हुन् ।
पत्रकार बाँस्तोला दुई साता अघि कोरोना संक्रमित भएका थिए । बाँस्तोलाको यही जेठ २५ गतेपछि चरक मेमोरियलमा उपचार भइरहेका थियो । उपचारकै क्रममा उनको निधन भएको हो ।
कास्कीको पुरन्चौरमा जन्मिएका बाँस्तोलाका श्रीमती, ३ छोरा र एक छोरी छन् ।
