- ट्रेण्डिङ :
गुल्मीमा छैठौं पटक असार ७ गतेसम्मका लागि निषेधाज्ञा थपिएको छ । आज राती १२ बजे देखि असार ७ गते सोमबार राती १२ बजे सम्मका लागि निषेधाज्ञा थप गरिएको प्रमुख जिल्ला अधिकारी रुद्रादेवी शर्माद्वारा हस्ताक्षरित सूचनामा उल्लेख छ । थापिएको निषेधाज्ञालाई भने केहि खुकुलो बनाइएको छ । .
जारी सूचनाअनुसार बैङ्क, वित्तिय संस्था एवं सहकारी संस्था बिहान ७ बजेदेखि ११ बजेसम्म खोल्न पाइने भएको छ । त्यस्तै अत्यावश्यक दैनिक उपभोगका सामग्री पेट्रोलियम पदार्थ, दुध, पानी, ग्याँस, खाद्यान्न, फलफुल, तरकारी, माछा, मासु, पशुपन्छीका दाना, निर्माण सामाग्री, स्टेशनरी तथा पुस्तक पसल बिहान ७ बजेदेखि ११ बजेसम्म सञ्चालन गर्न पाइने जनाइएको छ ।
त्यस्तै स्वास्थ सुरक्षा, सञ्चार, विद्युत, खानेपानी, भेटनेरी, एग्रोभेट, दमकल दैनिक रुपमा सञ्चालन गर्न पाइने प्रशासनले जनाएको छ । त्यस्तै भिषा देखाएमा विमानस्थलसम्म जान पाइने नियम समेत बनाइएको छ ।
