- ट्रेण्डिङ :
पोखरा । कास्कीको माछापुच्छ्रे गाउँपालिका १ धिप्राङको स्थानीय केशरी गुरुङको घरमा आगलागी हुदाँ लाखौको क्षति भएको छ । मंगलबार राति गुरुङको दुई तले घरमा अचानक आगलागी हुँदा ढुङ्गा माटोले बनेको घरमा क्षति पुगेको गण्डकी प्रदेश प्रहरी कार्यालय पोखराले जनाएको छ ।
आगलागीबाट करिब १५ लाख बराबरको भौतिक क्षति भएको गण्डकी प्रदेश प्रहरी कार्यालय पोखरा डिएसपी शम्भु अर्यालले बताए । स्थानीयको सहयोगमा आगो पूर्ण रुपमा नियन्त्रणमा लिइएको र आगलागीको कारणबारे अनुसन्धान भइरहेको प्रहरीले जनाएको छ ।
