गण्डकी प्रदेशमा थप दुईजनामा कोरोना संक्रमण पुष्टि भएको छ । मणिपाल शिक्षण अस्पतालमा कार्यरत चिकित्सकमा कोरोना संक्रमण देखिएको छ ।
सोमबार दिउँसो जारी गरेको विज्ञप्ति अनुसार नयाँ संक्रमण पुष्टि हुने दुवैजना कास्कीका रहेको स्वास्थ्य निर्देशानलयले जनाएको छ ।
संक्रमित पुरुष मणिपाल शिक्षण अस्पतालमा कार्यरत चिकित्सक भएको बताइएको छ । सामान्य ज्वरो आएका उनको आइतबार स्वाब लिइ परीक्षण गर्दा कोरोना भेटिएको अस्पताल स्रोतले बताएको छ । अस्पतालमा एमडी प्रथम वर्ष पढ्दै गरेका उनी मेडिकल वार्डमा कार्यरत रहेको जनाइएको छ ।
उनी सोमबार विहानसम्म पनि मणिपालमा बिरामी जाँच्ने कार्यमा खटिइरहेका थिए । उनमा कोरोना देखिएपछि उनीसँग सम्पर्कमा आएकालाई निगरानीमा राख्ने लगायतका अन्य थप सतर्कता अपनाइएको छ ।
योसँगै गण्डकी प्रदेशमा कुल संक्रमितको संख्या १३७७ पुगेको छ ।
