आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
बागलुङ। कोरोना भाइरस संक्रमणबाट बागलुङमा दुई जनाले ज्यान गुमाएका छन। सोमबार राति जिल्लाको बाग्लुङ नगरपालिका– ३ का ८२ वर्षीय पुरुष र मंगलबार बिहान बडिगाड गाउँपालिका– २ का ६८ वर्षीय पुरुषको धौलागिरी अस्पताल बाग्लुङमा उपचारका क्रममा ज्यान गुमाएका हुन।
बाग्लुङ नगरपालिकाका पुरुषलाई स्वास्थ्यमा समस्या देखिएपछि सोमबार अस्पतालमा भर्ना गरिएको थियो । उनको साँझ ६ बजे उपचारको क्रममा मृत्यु भएको थियो ।
कोरोनाको लक्षण देखिएपछि सोमबार नै पिसिआर परीक्षणका स्वाब दिइएको र मंगलबार बिहान कोरोना संक्रमण पुष्टि भएको स्वास्थ्य कार्यालय बाग्लुङका कोभिड फोकल पर्सन देवप्रकाश घिमिरेले जानकारी दिए ।
बडिगाडका पुरुष जेठ १९ गते संक्रमण पुष्टि भएपछि धौलागिरी अस्पतालमा भर्ना भएका थिए । उनमा श्वासप्रश्वासमा समस्या रहेको अस्पतालले जनाएको छ । योसँगै जिल्लामा कोरोना संक्रमणबाट मृत्यु हुनेको संख्या ५२ पुगेको छ । नरायण रिजाले नया पत्रिकामा लेखेका छन ।
