- ट्रेण्डिङ :
चट्याङ लागेर स्याङ्जामा १५ वर्षीय किशोरको मृत्यु भएको छ । अर्जुनचौपारी गाउँपालिका–२ घडेरी गाउँका पूर्णबहादुर गुरुङका छोरा रोहितको चट्याङ लागेर आज विहान मृत्यु भएको जिल्ला प्रहरी कार्यालय स्याङ्जाका प्रवक्ता डीएसपी राजेन्द्र अधिकारीले जानकारी दिए ।
उनका अनुसार आज बिहान ५ः३० बजे घरमा सुतिरहेको अवस्थामा च्ट्याङ पर्दा गुरुङको मृत्यु भएको हो । मोबाइल चार्जमा राखेर सुतेका रोहित चट्याङ पर्दा त्यसको करेन्ट लागेर मृत्यु भएको हुन सक्ने प्रहरीको प्रारम्भिक आंकलन छ ।
