- ट्रेण्डिङ :
कोरोना भाइरस विरुद्धको नक्कली खोप नेपालमा विक्रीका लागि भित्रिएको खबर सार्वजनिक भएका छन् । पूर्वी नेपालबाट लुकिछिपी खोप ल्याउने गरेको महंगो शुल्कमा विक्री भइरहेको समाचार सार्वजनिक भएसँगै सबैको ध्यान खिचेको छ । कोरोना बिरुद्धको खोप अभावको मौका छोपेर नक्कली कोभिशिल्ड खोप भन्दै लुकीछिपी नेपालमा भारतीय नाका आसपासमा विक्री भएको भन्दै राष्ट्रिय उपभोक्ता मञ्चले छानविनको माग गरेको छ ।
सो मञ्चले आफुलाई सूचना प्राप्त भएको भन्दै विज्ञप्तीमार्फत सरकारको ध्यानाकर्षण गराएको छ । मञ्चका अध्यक्ष प्रेमलाल महर्जनले विज्ञप्ति निकालेरै पूर्वी नाकाहरुबाट काठमाडौं लगायतका शहरी क्षेत्रहरुमा ल्याइ अबैध रुपमा कोभिशिल्डको खोप भन्दै लुकीछिपी ३ हजार देखि ५ हजार सम्ममा बिक्री बितरण भइरहेको गोप्य सूचना पाएको उल्लेख गरेका छन् ।
सरकार संयन्त्रबाट नै खोप गायव भएको समाचार र भारतको बंगालमा नक्कली कोविशिल्डको बजारमा बिक्रि भई रहेको समाचारलाई बिश्लेषण गर्दा यस्मा सरकारको सक्रियता र सजगतामा कमि देखिएकोछ’, विज्ञप्तिमा भनिएको छ ।
