आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
हुम्ला । हुम्लामा सडक खन्ने क्रममा माथीबाट आएको पहिरोमा पुरिएर चालकको मृत्यु भएको छ ।
जिल्लाको अदानचुली गाउँपालिका ५ सेरामा सडक खन्ने क्रममा पहिरोमापरी बर्दीया घर भएका २६ वर्षीय चालक सन्तोष थारूको मृत्यु भएको जिल्ला प्रहरी कार्यालय हुम्लाका डिएसपी हेरम्ब शर्माले जानकारी दिए ।
स्थानीय र प्रहरी मिलेर चालकको शव निकालिएको छ । अहिले शव श्रीनगर स्वास्थ्य चौकीमा राखिएको छ । सोमबार बेलुका ६ बजेतिर सडक खन्ने क्रममा उक्त दुर्घटना भएको हो । स्काभेटरका सहचालक भने हाम फालेर बाँचेका छन् । घटनास्थल पुग्न सदरमुकाम सिमकोटबाट दुइ दिन लाग्ने डिएसपी शर्माले बताए ।
