- ट्रेण्डिङ :
गजल
गरीबको ढाडमा टेकेर उफ्रिदा सत्ताको मात लागेको छ
आफै चोख्याउने काम नगर भ्रष्टाचारको बात लागेको छ
कमिसनको फोहोरी खेलमा तिमी चुर्लुम्म डुबुल्की मार्दा
सर्वहाराको पहिचानसंगै अरबौंको हात लागेको छ
समाजवादको फल खाने आशामा फल कुर्नेहरूलाई
दुई सय बीस भोल्ट सरह अकस्मात घात लागेको छ
चह चह उज्यालो सहित सितलता दिने जूनमा आज
कल्पना गर्दै नगरेको बोझिलो औंसीको रात लागेको छ
बेलैमा बुद्धि फिराएर यदि तिमी दुइ हात जोडेनौ भने
दुर्भाग्य!कहिल्यै सहन नसक्ने दसा साढे सात लागेको छ
कृष्ण थापा,तानसेन पाल्पा
