आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
पोखरा । पोखराको फुर्सेखोलाको बाढीमा फसेको ट्याक्टरका चालक एक युवकलाई प्रहरीले उद्दार गरेको छ ।
कास्कीको पोखरा महानगरपालिका २१ कृष्टिबाट कुखुरा लिएर आँउदै गरेको ग १ त १७७७ नम्बरको ट्याक्टर हिजो राति सवा ११ बजे फुर्से खोलाको बीचभागमा बाढीका कारण अड्किएको थियो ।
खाेलाकाे वीचमा अड्किएकाे ट्याक्टरका चालकलाई घटनास्थलमा गएकाे प्रहरी टाेलीले निकालेकाे हाे । ट्याक्टर चालक सल्यान जिल्लाको त्रिवेणी गाँउपालिका ४ घर भइ पोखराको बिरौटा बस्ने ३० वर्षीय लोकबहादुर विष्टलाई प्रहरीले उद्दार गरेको छ ।
उहाँकाे अवस्था मध्यम रहेकाे बताइएकाे छ । घटनाबारे थप अनुसन्धान भइरहेको प्रहरीले जनाएको छ ।
