आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
पोखरा । पोखरा महानगरपालिका १९ पुरुनचौरको बेँशीचोकमा पहिराले सडक अवरुद्ध भएको छ । लामाचौर–सार्दिखोला सडकखण्डमा गएको पहिराले अहिले आवागमन ठप्प छ ।
गत वर्षपनि सोही ठाउँको पहिराले दुई महिना बाटो अवरुद्ध बनेको थियो ।यस वर्ष पनि सोही ठाउँमा खसेको पहिराले सडक बन्द हुँदा पोखरा र माछापुच्छ«े गाउँपालिकाको सम्पर्क टुटेको छ । यसैबीच गण्डकी प्रदेशका सांसद रामजी प्रसाद बराल (जीवन)ले पहिरोको अवलोकन गर्दै व्यवस्थापनमा आवश्यक पहल गर्ने प्रतिवद्धता जनाउनुभयो ।
आइतबार पोखराको घार्मी हुदै वेशीचोक पुगेका सांसद बरालले तत्काल पहिरो व्यबस्थापन कठिन हुने बताउदै पहिरो खस्न रोकिएसंगै त्यसको व्यबस्थापन सहित सडक संचालनको लागि आवश्यक पहल गर्ने आश्वासन दिनुभयो । त्यस क्षेत्रको सडक निर्माणमा अल्पकालिन र दीर्घकालिन रुपमा राम्रो इन्जिनियरिङ गरेर व्यबस्थापन गर्नुपर्ने सांसद बरालको भनाई छ । राम्रो इन्जिनियरिङ गर्न नसक्दा नेपालका धेरै सडक, पुल सहितका भौतिक पूर्वाधार बर्षादको पानीले जोखिम निम्ताउने गरेको उहाँले दावी गर्नुभयो ।
पुर्वाधार विकास कार्यालय कास्कीका डिभिजन प्रमुख दिनेश घिमिरेले गत बर्ष पनि बर्षादको समयमा ठुलो पहिरो आएको कारण करिब ४० लाख लगानीमा ग्वाविन तार झाली सहित सडक निर्माण भए पनि हाल सोही स्थानमा ठुलो पहिरो आएको बताउनुभयो । हिमाली आवाजबाट साभार
