- ट्रेण्डिङ :
मुलुकभर पछिल्लो २४ घण्टामा २ हजार ९७९ जना कोरोना संक्रमित थपिएका छन् भने १ हजार ३३३ जना कोरोनामुक्त भएका छन् । देशभरका विभिन्न प्रयोगशालामा गरिएका परिक्षणमा उक्त संख्यामा संक्रमित थपिएको स्वास्थ्य तथा जनसंख्या मन्त्रालयले जनाएको छ ।
२४ घण्टामा ७ हजार ८३५ पीसीआर परीक्षण गर्दा २ हजार ७७ जनामा कोरोना संक्रमण पुष्टि भएको छ। यस्तै ४ हजार ६३ परीक्षण गर्दा ९०२ जनामा एन्टिजेनमा पोजेटिभ देखिएको छ। यसैगरी, पछिल्लो २४ घण्टामा २८ जनाको मृत्यु भएको मन्त्रालयले जनाएको छ । यससँगै हालसम्म ९ हजार २ सय ९१ जनाको मृत्यु भएको छ । यसअघि हिजो १५ जनाको मृत्यु भएको थियो।
स्वास्थ्य मन्त्रालयले परीक्षण सरकारी ल्याबहरुमा निःशुल्क भएपनि परीक्षण घटेको जनाएको छ । मन्त्रालयले लक्षण देखिएकाहरुलाई परीक्षण गराउन पनि अनुरोध गरेको छ । यस्तै बिगत केही दिनयता देशभर जारी रहेको निषेधाज्ञा बिस्तारै खुकुलो भएसँगै संक्रमितको संख्या पुन: बढ्दै गएको देखिएको छ।
