- ट्रेण्डिङ :
फाइल तस्विर
पाल्पाको तिनाउ गाउँपालिका–५ मा पहिरोले घर पुरिँदा एक जनाको मृत्यु भएको छ । चार वर्षीय बालक बेपत्ता भएका छन् । उक्त घटनामा सात जना घाइते भएका छन् । तिनाउ–५ का ४५ वर्षीय वीरबहादुर गुरुङको पहिरोमा पुरिएर मृत्यु भएको हो ।
स्थानीय पूजा परियारका चार वर्षीय छोरा बेपत्ता भएका छन् । अहिले घटनास्थलमा प्रहरी टोली उद्धारका लागि गएको जिल्ला प्रहरी कार्यालयले जनाएको छ ।
पहिरोले नरबहादुर राना, आकाश तामाङ, हरि दर्लामी, वीरबहादुर गुरुङ र रमेश परियारको घर पुरिएको छ ।
