- ट्रेण्डिङ :
कोरोना भाइरसको सङ्क्रमणबाट इलाममा श्रीमान् श्रीमतीको एकै दिन मृत्यु भएको छ। माङसेबुङ गाउँपालिका–५ का ७९ वर्षीय टेकबहादुर लावती र उनकी श्रीमती ७३ वर्षीया लक्षीहाङमाको मृत्यु भएको हो।
टेकबहादुरको बिहीबार बिहान र लक्षीहाङमाको दिउँसो मृत्यु भएको हो। लावती परिवारका सात जनामा कोरोना सङ्क्रमण पुष्टि भएको थियो । एकै परिवारका दुईको निधन भएपछि गाउँमा त्रास फैलिएको छ। उनीहरुमा छ दिनअघि कोरोना सङ्क्रमण पुष्टि भएको थियो। सङ्क्रमित सबै जना होमआइसोलेशनमा थिए।
दुई छोरा, एक बुहारी र दुई नाति हाल होमआइसोलेशनमा छन् । जिल्लामा सङ्क्रमितको सङ्ख्या दुई हजार १४४ पुगेको छ। सङ्क्रमितमध्ये एक हजार ७२१ जना निको भइसकेका छन् । ५२ जनाको निधन भएको छ भने ३७१ सङ्क्रमित उपचाररत छन् ।
