आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
पोखरा । पोखराको अमरसिहँ चोकमा बिजुलीको पोलमा स्कुटर ठक्कर ठोक्किदा दुई जना युवक घाइते भएका छन् ।
आज दिउसो १ बजे पोखरा महानगरपालिका १० अमरसिँहचोकमा ग ११ प १४४६ नम्बरको स्कुटर आँफै अनियन्त्रित भएर बिजुलीको पोलमा ठक्कर खाएको गण्डकी प्रदेश प्रहरी कार्यालय पोखरा जानकारी दिएको छ ।
दुर्घटनामा स्कुटर चालक तनहुँको शुक्लागण्डकी नगरपालिका १ कोत्रेका १८ वर्षीय संजोग परियार घाइते भएका छन् ।घाइते परियारको अवस्था गम्भीर रहेको प्रहरीले बताएको छ ।
त्यसैगरी लमजुको बेशिसहर घर भइ हाल कोत्रे बस्ने १९ वर्षीय विश्वास मझकोटी पनि घाइते भएका छन् । प्रहरीका अनुसार स्कुटरमा पछाडिमा सवार मझकोटीको अवस्था मध्यम रहेको छ ।
दुबै घाइतेहरुलाई उपचारका लागि अस्पताल पठाइएको र घटना बारे थप अनुसन्धान भइरहेको गण्डकी प्रदेश प्रहरी कार्यालय पोखराका प्रहरी नायब उपरीक्षक श्रवण कुमार बिकले जानकारी दिनुभएको छ ।
