- ट्रेण्डिङ :
कास्की । पछिल्लो २४ घण्टामा कास्कीमा फेरी संक्रमण बढेको छ । लकडाउन खुकुलो भए सँगै कास्कीमा कोरोना संक्रमण बढेको हो ।
प्रदेश जनस्वास्थ्य गण्डकीको दैनिकी अध्यावधि अनुसार कास्कीमा २१४ जनामा पुष्टि भएको हो ।पछिल्लो २४ घण्टामा १ हजार १५३ जनामा गरिएको परिक्षणमा गण्डकी प्रदेशभरी ४१० जनामा कोरोना पुष्टि भएको हो ।
कास्कीमा २१४ सहित बागलुङमा ११९ जना,पर्वतमा २९ जना,लमजुङमा १५ जना,तनहुँमा ११ जना,गोरखामा ११ जना,स्याङ्जा र नवलपुरमा चार चार जनामा कोरोना पुष्टि भएको हो । यो सँगै गण्डकीमा संक्रमितको सङ्ख्या कुल ५९ हजार १६४ पुगेको छ। पछिल्लो २४ घण्टामा ३०० जना निको भएको छ । यो सँगै प्रदेशमा संक्रमणमुक्त हुनेको संख्या ५५ हजार २७२ पुगेको छ ।
गण्डकीमा थप ७ जनाको कोरोना संक्रमणका कारण मृत्यु भएको छ । हालसम्म कोरोना संक्रमणका कारण प्रदेशभर ज्यान गुमाउनेको संख्या १ हजार १ पुगेको छ। मृत्यु हुनेमा कास्कीका बिभिन्न अस्पतालमा मात्रै पाचँ जनाले ज्यान गुमाए भने एक जनाको म्याग्दीमा होम आइसोलेशनमा र अर्का एकजनाको धौलागिरी अस्पतालमा ज्यान गएको हो ।
गण्डकी प्रदेश स्वास्थ्य निर्देशनालय पाेखराले कास्की जिल्लाका २ जना, तनहुँ जिल्लाका १ जना, बाग्लुङ जिल्लाका २ जना र स्याङ्जा जिल्लाका १ जना जनाकाे उपचारकाे क्रममा मृत्यु भएकाे आज पुष्टि गरेकाे हाे । त्यसैगरी म्याग्दी जिल्लाका १ जनाकाे हाेमआइसाेलेशनमा मृत्यु भएकाे निर्देशनालयले पुष्टि गरेकाे छ ।
