शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
पोखरा । पछिल्लो २४ घण्टामा कास्की लगाएत गण्डकी प्रदेशका जिल्लाहरुमा ३४४ जनामा कोरोना पुष्टि भएको छ । भने प्रदेशभर ६ जनाले ज्यान गुमाएका छन ।
स्वास्थ्य निर्देशानलय गण्डकी प्रदेशको अध्यावधि अनुसार कास्कीमा १४९, म्याग्दीका ३, पर्वत १७,लमजुङ २०,गोरखा ३०, तनहुँ ४३ बागलुङ ५१ स्याङ्जामा १२ र नवलपुरमा १९ जनामा कोरोना सङ्क्रमण देखिएको छ । योसँगै गण्डकी प्रदेशमा कोरोना सङ्क्रमितको सङ्ख्या ५९ हजार ७८५ पुगेको छ ।
प्रदेशमा पछिल्लो २४ घण्टामा ४४८ जना कोरोना सङ्क्रमणमुक्त भएका छन् । योसँगै गण्डकीमा हालसम्म सङ्क्रमणमुक्त हुनेहरूको सङ्ख्या ५६ हजार १४६ पुगेको छ ।
यसै गरी पछिल्लो २४ घण्टामा पोखराका विभिन्न अस्पतालमा ५ जना र एक जनाको चितवन अस्पतालमा ज्यान गएको हो । ज्यान गुमाउनेमा तनहुँमा १,बागलुङ १,म्याग्दी १,स्याङ्जा १,नवलपरासी पूर्वमा १ र लमजुङमा १ जनाको कोरोना सङ्क्रमणका कारण मृत्यु भएको छ ।
स्याङ्जा पुतलीबजार–८ का ५१ वर्षीय पुरुष,तनहुँ शुक्लागण्डकी–१२ क ७९ वर्षीय पुरुष, लमजुङ राइनास –८ का ७१ वर्षीय पुरुष, म्याग्दी मङ्गला–३ की ९० वर्षीया महिला,बागलुङ,काठेखोला –२ का ५५ वर्षीय पुरुष र नवलपरासी पूर्व देवचुी –१ की ७५ वर्षीय महिलाको उपचारका क्रममा अस्पतालमा मृत्यु भएको हो ।
