आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
पोखरा । कास्की प्रहरीले पोखरामा ठुलो मात्रामा ला'गुऔ'षध सहित एक जनालाई पक्राउ गरेको छ । पक्राउ पर्नेमा पोखरा महानगरपालिका १ बगर बस्ने अर्जुन कुमार गुरुङ रहेका छन ।
उनको साथबाट प्रहरीले ला'गुऔ'षध डाईजापान– ६७० एम्पुल, फेनेरागन– ६७० एम्पुल, नुर्फिन– ६७४ एम्पुल गरी जम्मा २०१६ एम्पुल, मोबाइल थान १ र नगद रु पाँचलाख २१ हजार दुईसयसहित फेला पारेको हो ।
जिल्ला प्रहरी कार्यालयका प्रवक्ता एव् डिएसपी सुवास हमालका अनुसार ला'गुऔ'षध नियन्त्रण व्युरो शाखा कार्यालय पोखराबाट खटिएको प्रहरी टोलीले उनको तलासी लिँदा घरकोठाबाट सुटकेसभित्र लुकाइ छिपाइ राखेको अवस्थामा उक्त मात्रामा ला'गुऔ'षध र रकम फेला हो ।
गुरुङलाई ला'गुऔ'षध सम्बन्धी कसुर अन्तरगत जिल्ला अदालत कास्कीमा १० दिनको म्याद थप गरी अनुसन्धान प्रक्रिया अगाडी बढाइएको प्रवक्ता हमालले बताउनु भएकाे छ ।
