- ट्रेण्डिङ :
पोखरा । पोखरामा भीरबाट लडेर एक जनाको मृत्यु भएको छ ।
मृत्यु हुनेमा गोरखा घर भई हाल पोखरा-७ मासबार बस्ने वर्ष २७ का सन्जोग थापा रहेका छन् ।
गण्डकी प्रदेश प्रहरी कार्यालयका अनुसार साथीहरूसँग मादक पदार्थ सेवन गरी बसेका थापा गए राति करिब २ बजे पोखरा महानगरपालिका-१८, मेथलाङ डाडोस्थित भिरबाट अन्दाजी ५० मिटर तल खसेर गम्भीर घाइते भएका थिए ।
उनलाई उपचारका लागि पोखरा स्वास्थ्य विज्ञान प्रतिष्ठानमा लगिएकोमा उपचारकै क्रममा उनको मृत्यु भएको गण्डकी प्रदेश प्रहरी कार्यालय पोखराले जनाएको छ ।
प्रहरी वरिष्ठ उपरीक्षक नरबहादुर केसीले थापाका केही साथीहरूलाई नियन्त्रणमा लिएर अनुसन्धान भइरहेको जानकारी दिए ।
