आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
पोखरा । पछिल्लो २४ घण्टामा कास्की लगाएत गण्डकी प्रदेशका जिल्लाहरुमा ३८१ जनामा कोरोना पुष्टि भएको छ । भने प्रदेशभर ३ जनाले ज्यान गुमाएका छन ।
स्वास्थ्य निर्देशानलय गण्डकी प्रदेशको अध्यावधि अनुसार कास्कीमा १४६,तनहुँका २० जना, गोरखाका एक जना, लमजुङका आठ जना, नवलपुरका ४१ जना र स्याङ्गजाका ३५ जना पर्वतका ७३ जना, बागलुङका ३९ जना, म्याग्दीका पाँच जना, मुस्ताङका ११ जना र मनाङ जिल्लाका दुई जनामा कोरोना पुष्टि भएको हो ।
आज थपिएकासंगै गण्डकीमा कोरोना संक्रमितको कूल संख्या ६० हजार ९०० पुगेको छ । पछिल्लो २४ घण्टामा गण्डकीबाट ३६६ जना कोरोनामुक्त भएका छन् । योसंगै, प्रदेशमा कोरोनामुक्त हुनेको संख्या ५७ हजार ६२ पुगेको छ। शुक्रबार गण्डकीमा थप तीन जनाको मृत्यु पुष्टि भएको छ ।
आज मृत्यु पुष्टि हुनेमा नवलपुरका एक जना, स्याङ्गजाका एक जना र कास्की जिल्ला पोखरा महानगरपालिकाका एक जना छन् । आज मृत्यु पुष्टि भएका संगै गण्डकीमा कोरोना संक्रमणका कारण ज्यान गुमाउनेको संख्या १०१७ पुगेको निर्देशनालयले जनाएको छ।
