- ट्रेण्डिङ :
गजल
दम सिद्धिएपछी बार्दलीमा बसेर कराउँछ,धोती न टोपी भएको मान्छे
अग्रगामी सोच हराएपछी संसदमा बर्बराउँछ,धोती न टोपी भएको मान्छे
बाँसको रूखको टुप्पो नुगाउछु भन्ने फिस्टोको बचेरोको खुट्टी देखिए जस्तै
मिठा कुरा जति गरे पनि क्रान्ति गर्न डराउँछ,धोती न टोपी भएको मान्छे
संसद विघटन अनि पुनर्स्थापना पनि ठिक भन्दै लाज छोप्न नसक्नेले
मालिकको आदेश मान्दै साथीलाई नै हराउँछ,धोती न टोपी भएको मान्छे
पहिला पहिला खसी बोकालाई देखाएर चिट्ठा काटिन्थ्यो दशैको समयमा
अहिले आफै चिट्ठा परेपछी अरूलाई सराउँछ,धोती न टोपी भएको मान्छे
जसले जस्तोसुकै गाईजात्रा देखाएर आफ्नो देशको बदनाम गरे पनि
गरीबले नै आफै क्रान्तिको झण्डा फर्फराउँछ,धोती न टोपी भएको मान्छे
कृष्ण थापा,तानसेन पाल्पा
