आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
धनकुटा । धनकुटामा बस दुर्घटना हुँदा २३ जना घाइते भएका छन् ।
आइतबार दिउँसो झापाको काकडभिट्टाबाट भोजपुर सदरमुकाम हिँडेको प्रदेश १–०१–००१ख–३४२९ नम्बरको बस पाख्रिबासको पञ्चेमा दुर्घटना भएको हो ।
जिल्ला प्रहरी कार्यालय धनकुटाका अनुसार घाइतेमध्ये ९ जनाको अवस्था गम्भीर रहेको छ । बाँकी १४ जनाको अवस्था सामान्य छ ।
दुर्घटनामा परी घाइते हुनेहरु कसैको पनि पहिचान खुलेको छैन । घाइते सबैलाई उपचारका लागि जिल्ला अस्पताल धनकुटा ल्याइएको छ । बस आफैँ अनियन्त्रित भई सडकमा पल्टिएको हुनसक्ने प्रहरीको अनुमान छ।
बसका सहचालक घाइते अवस्थामा भेटिएको र बसचालक प्रहरी सम्पर्कमा रहेको प्रहरीले जनाएको छ।
